Причина за пожарот во студенскиот дом „Гоце Делчев“ неофицијално електричната инсталација која се запалила поради вклучена греалка. Пожарот започнал да се шири од собата број 1 во блок Б, но чадот покрај во соседните соби се проширил и во ходниците.
Паниката меѓу студентите се создала најмногу поради тоа што прозорците во студентскиот дом „Гоце Делчев“ се херметички затворени, а чадот забрзано се ширел, но по брзата интервенција на пожарникарите пожарот брзо беше изгаснат.
Според информациите на НОВА, Брзата помош интервенирала кај петмина студенти на кои им била дадена кислородна терапија.
Студентите со кои разговараше НОВА, велат дека двете девојки кои живееле во собата која целосно изгоре во пожарот, останале без своите лични предмети, облека и книги.
На официјалната Фејсбук страна претседателот на СПУКМ Кирил Спироски со реакција да се најде начин на им се помогне на оштетените студенти. Тој вети дека студентите ќе бидат колку што е можно обештетени, а членовите на Студентскиот Парламент како и во текот на немилиот настан и понатаму ќе бидат на лице место да им помогнат на своите колеги.