Илјадници демонстранти на Шарената револуција во моментов се пред Влада, каде дел од активистите и членови на опозицијата држат говори пред граѓаните. Учесниците во Шарената револуција ги повторија двете приоритетни барања, со кои ценат дека ќе се заштити Специјалното обвинителство.
-Уставниот суд мора да се произнесе по иницијативата за СЈО. Не може тие безкичмени подлизурковци и полтрони да ја држат правдата во заложништво. Мора СЈО да може да води кривични постапки пред суд. Специјално одделение на Кривичниот суд. Нема повлекување, нема правда нема мир, порача активистот Павле Богоевски во својот говор пред Влада.
-Да го поздравам оној во оставка кој се заканува дека му врие. Нека дојде да видиме на кому му врие. Да го поздравам и почитуваниот господин Чавков, тој нека јдојде да не апси ако може, порача активистот Замир Мехемти кој им се обрати на присутните демнстранти и на албански јазик.
Владината зграда ја штити огромен полициски кордон, а мостот Гоце Делеч е блокиран со кордон од специјалци и водени топови.
Заменик-претседателката на СДСМ Радмила Шекеринска порача дека за криминалите во Макеоднија мора да се одговара.
-Корупцијата во Македонија има име и презиме, криминалот и злосторствата добија точна адреса и затоа оваа криза имаше многу причини, ама оваа криза има само еден излез, правда, одговорност, порача Шеќеринска.
Атмосферата од протестот може да ја погледнете во живо на НОВА на овој линк .