Ние сме третирани како стока, нашиот глас е безвреден и мора нешто да се стори околу тоа, вакви пораки испратија десетици новинари на денешното неизбирачко собрание на Здружението на новинари.
Главен акцент во расправата се стави на новиот закон за медиуми во подготовка.
Претседалот Насер Селмани вели дека ЗНМ нема да потклекне под притисоците, а нивните барања за јавна расправа која би траела околу 5 до шест месеци остануваат.
-Ние имаме поддршка и повеќе амбасади во земјата, а владата нека си ја голтне суетата и нека одговори на нашите барања, порача Селмани.
Локалните новинари се жалеа на силните притисоци од институциите во местата каде што работат.
Новинарот Менде Диневски од Битола рече дека притисоците се толку силни, што им се забранува и влез во одредени кафеани.
„Нас новинарите не бркаат и од хотелот Епинал само поради тоа што на газдата не му се допаѓа тоа што го пишуваме. Ние му поднесовме и кривична пријава со која не знаеме што се случува, а тие нам ни поднесоа кривична пријава за лажна пријава. Кажете ми каде ние ќе ја бараме правдата, рече Динески, новинар од Битола.
Новинарката Жанета Здравковска, дописник за Радио Слободна Европа од Битола рече дека се соочуваат со бојкот од институциите.
„Се формираат групи подобни новинари кои се викаат на прес конференции, а другите воопшто не добиваат покани. Теми станаа само пресовите на општината, проблемски теми нема.
– Ќе излезат функционерите и ќе речат нема поплави и новинарите седат дома. На што личи тоа, какво новинарсто е тоа, зарем не можат да излезат на терен и да видат дали има поплави?, кажа Жанета Здравковска
Со остра реакција и обвинувања за односот на јавниот сервис кон овој настан се јави и новинарката од МТВ Фиљана Кока.
„Барам да се опомене раководството на МТВ, не може два тројца таму да одлучуваат кога и каде ќе се пушти камера, ние мора да си ја извршуваме работата на јавен сервис. На вестите вечерва се канат гости од параздружение со десет члена за да дискутираат за законот за медиуми, а одбиваат уредниците да пратат камера на овој настан.
– Иако беше замолен менаџментот, тие не пратија камери денес. Барам од Вас да се опоменат за своето однесување“ , рече новинарката од МТВ Филјана Кока.
Новинарот од Штип Иван Бојаџиски се придружи кон бараањата на неговиот колега од Алфа, Зоран Фидановски, да не се влегува во дијалот со владата додека не се расчисти инцидентот од 24 Декември.
„Новинарите се најексполатираната стока која работи за сто евра. Ние треба да ги диктириме општествените процеси, а еве на што сме сведени и додека не се расчисти овој случај од 24 Декември никакви преговори со никого! Минатиот пат од овде дојдовме три делегати, сега сме 18. Тоа нешто говори. Време е да се освестиме, рече Бојаџиски
Новинарите предложија да се направи и црна и бела листа на институции, посочувајќи дека нивната транспарентност е огромен проблем.
Главен фокус на расправата беше ставен на новиот закон за медиуми.
Горан Трпески од ЗНМ вели дека е спорно агенцијата и општински претставници да одлучуваат за тоа дали некому му е нарушен моралот.
„Погледнете го тој член, некои луѓе од општина ќе одлучуваат кому и дали му е повреден моралот. Не може да постои член кој регулира таков нешто како повреден морал”, вели Трпески.