Поранешниот и актуелниот градоначалник на Гостивар, Руфи Османи и Невзат Бејта денеска одржаа одвоени прес-конференции на кои изнесоа низа меѓусебни обвинувања за злоупотреби и незаконски отпуштања на близу двесте вработени, јавува Утрински.
Османи презентираше неколку документи со кои, како што тврди, се докажува реваншистичка чистка која Бејта ја спроведува во ЈП „Комуналец“ и општинската админстрација.
Актуелниот градоначалник Бејта ги отфрла наводите за реваншизам и дека се обидува да воведе ред и да отстрани од работа лица кои биле вработени по партиска директива на НДП.
НДП покажаа документи потпишани од градоначалникот Бејта, со кои им било наредено на директорите на основните и средните училишта да ги прекинат сите активности во врска со ученичките ексурзии како и фотографирањето на учениците.
Бејта на ова обвинување одговори дека со оваа наредба, тој ги штити учениците и нивните родители, бидејќи тоа не било нивна желба, туку како што рече желба на директорите и наставниците.