По 30 дена притвор им одреди истражниот судија на поранешниот директор на УБК Слободан Богоевски и адвокатите Васко Томановиќ и Владо Пешликовски. На Даниела Трајковска, една од управничките на фирмите и е одредена превентивна мерка- задолжително јавување во суд и привремено одземање на патната исправа.
Се работи за милион евра испрани пари, кои уапсените ги извлекле од фирма од Словенија со измама дека ќе издејствуваат да се раскине договорот на државата со кипарската фирма „Централ Балкан“ за градежно земјиште во околината на спортскиот центар „Борис Трајковски“.
Словенците добиле ветување дека ќе го купат земјиштето, иако договорот претходно веќе бил раскинат.
МВР трага по уште две лица, еден македонски и еден словенечки државјанин кои биле управители на фирми, вмешани во криминалот.