Прегласување за вториот круг од локалните избори ќе се повтори на 29 избирачки места во општина Центар.
Во Струга ќе се прегласува на 9 избирачки места и во едно во скопската општина Ѓорче Петров.
Втор круг од локалните избори ќе има во општина Долнени на 39 избирачки места.
Во Центар ќе се прегласува на избирачките места 2796, 2797 и 2799 во ОУ „Кочо Рацин“, 2802 во ДСУ „Д-р Панче Караѓозов”, 2805 во Детскиот дом „11 Октомври“, 2806, 2808, 2810 и 2811 во ДСУ за рехабилитација и образование „Св. Наум Охридски“, 2815 во Дом на АРМ, 2817 во ОУ „Димитар Миладинов“ поранешно „Браќа Рибар“, 2822 во ОУ „Кирил и Методиј“, 2832 и 2833 ОУ „11-ти Октомври“, 2839 во Работнички универзитет, 2842 во Погонот на ЖТП на ул. Христо Смирненски бр. 28, 2843, 2845 и 2847 во ОУ „Јохан Хајнрих Песталоци, 2848 и 2849 во ОУ „Гоце Делчев“, 2854 во Фудбалски сојуз на Македонија, 2855 и 2856 во Дом на градежните, 2861, 2862,2863,2866 и 2867 во ОУ „Коле Неделковски“.
Вкупниот број гласачи на овие избирачки места изнесува 22.939.
Граѓаните ќе бираат меѓу Андреј Жерновски, кандидат на коалицијата „Сојуз за иднината“ и кандидатот на коалицијата „За подобра Македонија“ предводена од ВМРО-ДПМНЕ, и сегашен градоначалник Владимир Тодоровиќ.
Во Струга ќе се гласа на избирачките места 1852 во Управната зграда на ХЕЦ „Глобочица“, 1857 во Управната зграда на Медицинскиот центар, 1860 во Општинската зграда, 1877 во основното училиште во село Радолишта, 1883 и 1884 во основното училиште во село Октиси, 1904 во основното училиште во село Бороец и во 1910 и 1911 во основното училиште во село Подгорци.
Во деветте избирачки места во Струга треба да гласаат 7.885 граѓани помеѓу Зијадин Села од ДПА, кој ја има поддршката и на ДУИ, и за Владимир Кочоски, кандидат на коалицијата на СДСМ и ВМРО-ДПМНЕ.
Во Ѓорче Петров се прегласува во избирачкото место 2588 во културниот дом Волково во село Волково. Во оваа скопска општина на граѓаните единствен избор ќе им биде кандидатот Сокол Митровски од коалицијата „За подобра Македонија“ предводена од ВМРО-ДПМНЕ, бидејќи Александар Наумовски од коалицијата „Сојуз за иднината“ предводена од СДСМ, се повлекува од изборите и ги повика неговите подржувачи да не излегуваат на гласање.
Во Долнени ќе се одржи втор круг од гласањето на локалните избори. Гласачите својот избор треба да го направат меѓу Боше Милошевски од коалицијата „За подобра Македонија“, и Абдула Бајрамоски од ДУИ.
На полноќ започнува изборниот молк, а по затворањето на избирачките места во тек ќе бидат роковите за претставки до ДИК, а потоа и за тужби до Управниот суд.