Кандидатот за градоначалник на Општина Центар, Андреј Жерновски, одржа прес-конференција близу Католичката црква, место каде што според него, е живеалиште на десетина гласачи од Пустец.
– Да бидам јасен, во недела ќе биде финалниот круг. Сакам да упатам јасна порака до владеачката партија. Оваа ливада зад нас уште долго време ќе сведочи за веројатно најголемиот скандал што досега го имаме видено на изборите во Република Македонија, со вметнатите гласачи од Пустец, изјави Жерновски.
Тој ја повика партијата ВМРО-ДПМНЕ во недела да се откаже од проектот Пустец, бидејќи на таков начин не само што го компромитира избирачкиот процес, но и извештајот кој се очекува од Брисел.