Андреј Жерновски преку Твитер им се заблагодари на сите твитерџии кои придонесоа да се разобличат лагите и ги повика граѓаните, вечерва во 18 часот заедно да ги офарбаат нагрдените влезови.
„Благодарност го ЦЕЛАТА ТВИТЕР ЗАЕДНИЦА за големата и искрена поддршка. Собир во 18 часот во Капиштец за да ги офарбаме нагрдените влезови“, напиша на Твитер, Андреј Жерновски.
Ваквиот повик на Жерновски следи откако вчера, фасадите и влезовите во Капиштец на улиците „Народен форнт“, „Васил Ѓоргов“ и „Мито Хаџи Василев – Јасмин“, беа исшарани со графити „Центар не е Пустец“, а бројот 42 кој стоеше на гласачкото ливче беше прецртан.
Вандализам и лажна политичка пропаганда во Капиштец
Според последните податоци од Државната изборна комисија Жерновски победи со 3.050 гласа пред досегашниот градоначалник на ВМРО – ДПМНЕ, Владимир Тодоровиќ.
Доцна синоќа и Илија Димовски од Центарот за комуникација на ВМРО – ДПМНЕ ја објави победата на СДСМ во општина Центар.