Започнува реконструкцијата на фасадата на Владата, со што зградата ќе добие комплетно нов лик во барокен стил.
Реконструкцијата на фасадата, граѓаните ќе ги чини околу 9,2 милиони евра. Градежните работи ќе започнат деновиве, откако денеска просторот околу зградата беше заграден со огради.
Од службата за општи и заеднички работи на Влада велат дека ќе се реконструира само фасадата, додека зградата нема да се доградува и проширува.
Конкурсот за избор на идејно решение кој Владата го распиша лани, со гласање на граѓаните го добија Жарко Чаушевски и Филип Богатинов. Градежните работи ќе ги изведува фирмата Бауер.