Стејт департментот за Македонците во Грција
Во извештајот на Стејт департменот за состојбата на човековите права во Грција во 2012 година се осврнува и на проблемот со македонското малцинство во Грција. Во описот на состојбата со почитувањето на правата на малцинствата се вели:
“Голем број на граѓани се идентификувале себе како Турци, Помаци (Муслимани кои зборуваат словенски), Власи (група малцинство во Балканот која зборува на романски дијалект), Роми, Арванити (православни христијани, кои зборуваат албански дијалект), или Македонци. Некои членови на овие групи бараат официјална владина идентификација како “малцинства” или “лингвистички малцинства
Иако владата го афирмира правото на поединецот на самоидентификација, голем број на поединци кои себеси се дефинираат како припадници на малцинска група, тешко го изразиле нивниот идентитет слободно, како и одржувањето на нивната култура” се вели во извештајот на Стејт департментот објавен минатата недела. Во понатамошниот текст прашањето на правата на грѓаните на Грција кои себе си се идетификуваат како Македонци се наведува следново:
“Владата не го призна постоењето на словенски дијалект, наречен “македонски” од страна на неговите говорници, сепак, мал број од тие говорници се идентификувале себеси како “Македонци”, ознака која генерирала силна опозиција од други граѓани. Овие лица тврдеа дека Владата води политика со цел да обесхрабри употреба на нивниот јазик.
Владините претставници и судовите ги одбија барањата од страна на словенските групи, да се идентификуваат себеси користејќи го терминот “македонски”, наведувајќи дека околу 2,2 милиони етнички (и лингвистички) грчки граѓани, исто така, го користат терминот “македонски” за да се идентификуваат себеси.
Владата долго време одбива да признае здружение со име “Дом на македонската култура”, противејќи се на употребата на терминот “македонски”. Здружението го изнесе случајот пред ЕСЧП во 2009 година. Во август, ЕСЧП ја информираше Владата дека го прифатила случајот за пресудата и побара од Владата да го достави својот став до 15 јануари 2013 година” се вели во извештајот на Стејт департменот.
Како што е познато Стејт департменот го објави и извештајот за состојбата во сферата на човековите права во Македонија. Овој извептај беше оценет како еден од најкритичните објавени досега.
НОВА во повеќе наврати се обиде да добие коментар од Владата но и покрај нашето инсистирање службата за инфомации одби да испрати одговор.
Во јавноста се огласи провладиниот Дневник со коментар како реакција на наводите проложени во извештајот на Стејт департменот, потпишан од главиот уредник на весникот.
“Прекуокеанскиот извештај за човековите права во Република Македонија е толку лош што некако помислувате дека тоа е писание за друга земја, а не за таа во која живеете” констатира главниот уредник на Дневник во коментарот посветен на извештајот на Стејт департментот.