Зошто не успеаа разговорите на Јакимовски со СДСМ?
Градоначаликот на општина Карпош, Стевчо Јакимовски денска соопшти дека пропаднал обидот за соработка со СДСМ и дека ќе започне разговори за коалицирање со советничката група на ВМРО ДПМНЕ.
„Имајќи во предвид дека во Општина Карпош ВМРО-ДПМНЕ и СДСМ имаат по девет советника, а СНСМ има пет советника, ситуацијата во Советот стана специфична за функционирање. Во изминатите десет дена, изјави на денешната конференција за печат градоначалникот на Општина Карпош Стевчо Јакимовски, ние се потрудивме да оствариме средба и соработка со СДСМ за можнo понатамошно делување во Советот на Општина Карпош.
– За таа цел, минатиот петок, двајца советници од СНСМ беа задолжени да остварат средба со првиот човек на Општинската организација на СДСМ, со цел да се договориме за идниот начин на работење во Советот, формирање на комисиите и телата во него. На тој наш предлог, добивме одговор дека тоа може да се стори на состанок во недела во 20 часот, кој разговор не се рализираше, поради неговата зафатеност околу прославата на победата на Андреј Жерновски.
– Остана договорот СДСМ сами да се јават и закажат средба токму на оваа тема“ рече Јакимовски, објаснувајќи го неуспехот на разговорите со СДСМ.
Според него СДСМ претходно преку медиумите најавил дека не сака соработка со советничката група на СНСМ.