На покана од министерот за надворешни работи на Република Македонија, Никола Попоски, на денеска и утре, во официјална посета на Република Македонија престојува министерот за надворешни работи на Република Албанија, Алдо Бумчи.
Се очекува министрите Попоски и Бумчи да разменат мислења за билатералните односи и можностите за нивен натамошен развој, како и за заедничката соработка во контекст на ЕУ, НАТО и на регионален план.
За време на посетата, министерот Бумчи ќе биде примен од претседателот на Република Македонија Ѓорге Иванов, од претседателот на Собранието на Република Македонија, Трајко Вељановски, како и од потпретседателот на Владата на Република Македонија, Фатмир Бесими.