Денеска е отстранет споменикот од бронза „Скопје ’63“ кој се наоѓа спроти Старата железничка станица во Центарот на Скопје.
Во 2003-та, на 40-годишнината од земјотресот, овој споменик изработен од скулпторот Томе Серафимовски, беше поставен како сведоштво за жртвите од земјотресот.
Спорно е тоа што надлежните се уште не објавуваат каде ќе биде дислоциран овој споменик на кој е прикажана женска фигура со одсечена града.
Неуспешни беа обидите на НОВА да стапи во контакт со академик Серафимовски, за да одгвори дали бил известен за дислокацијата на споменикот.
Невладината „Плоштад Слобода“ како и граѓаните од центарот на Скопје ревотирани од постапката на Град Скопје, велат дека освен пораката од лидерот на СФРЈ Тито, испишана на разрушениот ѕид на железничката станица ова е второ сведоштво на страдањата на Скопје од катастрофалниот земјотрес кој се случи во 1963 година.
Дали сегашната власт со овој потег сака да покаже дека повеќе се грижи за луѓето кои никогаш не стапнале во Македонија отколку за нејзините граѓани, прашуваат од „Плоштад Слобода“. Нивните ставови погледнете ги во видеото.