Патничкиот воз кој утринава се судри со камион кај Превалец, вечерва околу 18 часот прегази 28 годишно момче од Велес.
Возот кој сообраќал на релација Скопје-Битола, на излегување од железничката станица налетал на Марко.С. кој седел на пругата.
Машиновозачот се обидувал да го предупреди со сирената, по што почнал да кочи, но бидејќи момчето било во близина не успел да ја сопре композицијата и удрил во него. Момчето починало на лице место.
Истиот воз утринава удри во камион во населбата Превалец во близина на Велес при што тешко е повреден возачот на камионот.