Македонија падна 22 места на ранг листата за слободата на медиуми во најновиот извештај на Фридом Хаус презентиран денес попладнево во Вашингтон. Од 94 место земјата падна на 116 место, а заедно со Македонија назадување бележат и Камбоџа, Израел, Мали и Танзанија. Арбитрарното одземање на медиумските лиценци, односно затворањето на медиумите и влошената средина за новинарите се едни од главните причини кои го предизвикале падот.
По денешната презентација на извештајот во Вашингтон на целиот извештај за граѓанските и политички права во светот, Фридом Хаус организираше специјална трибина посветена на слободата на медиумите, бидејќи, според извештајот, слободата на медиумите во светот во минатата година била на најниско ниво во последната деценија, а трендовите се негативни речиси во сите региони во светот. Туркеминистан, СЕверна
Туркеминистан, Северна Кореја, Белорусија и Узбекистан се земјите со најзагрозена слобода на медиумите, а Русија е земјата со најголема контрола врз медиумите.