Според очевидците, брачниот пар Давитковски биле под тракторот, а децата кои биле во приколката по превртувањето излетале од спротивната страна на патот, притоа паѓајќи на камења и покрај едно дрво.
– Слушнавме пискање, гледаме, тракторот оди во лер, зашто престанал да работи. Викаа, кочи! Пискаа. Додека гледавме се крена прашина од тракторот кога се преврте. Потрчавме. Едно од децата беше крваво., а едно девојче го прегрна син ми и побара телефон да и се јави на мајка си, раскажува Стаменковски.
Повеќето од децата се девојчиња и се на возраст од 13 до 15 години години, а биле од Оризари, Грдовци, Кочани и и Прибачево.
Жителите на кочанското село Оризари велат дека ова е голема трагедија, a сирените на брзата помош им навестиле дека се случува нешто лошо, јавува Телма.
Истражниот судија од Основниот суд во Кочани вели дека истрагата за причините за несреќата е во тек, а подетални информации можат да соопштат по вештачењето на трагите и нa превртениот трактор.