Како што јавува МВР синоќа околу 3 часот по полноќ добиле телефонски повик од куќа на ул. „Менделеева“, во Скопје каде браќата Б.З.(36) и М.З.(40), јавиле дека две непознати вооружени лица влегле во ходникот на нивната куќа.
По што настанала турканица, во која едно од непознатите лица испукало еден куршум кон нив, но не ги погодило браќата, туку го усмртил 22-годишниот Абдулах Гафури.
Браќата М.З. и Б.З. биле повикани на разговор во Полициската станица во Кисела Вода, а во тек се мерки за проверка на веродостојноста на пријавениот настанот.
Според МВР А.Г. е евидентиран за извршени кривични дела “разбојништва”, додека еден од браќата М.З. бил сторител на повеќе кривични дела “учество во толпа што ќе спречи службено лице во вршење на службени дејствија”, ”спречување службено лице во вршење на службени дејствија”, “кражба” и ”тешка кражба”.