Исламската верска заедница ги предимензионира работите и од локален прави интернационален проблем.
Однесувањето на челниците на ИВЗ наликува на политичка партија, а не на верска зедница. Вака реагира Валентина Божиновска директорка на Комисијата за односи со верските заедници на одлуката на ИВЗ да ја бојкотира Меѓународната конференција за меѓурелигиски дијалог што во наредните два дена ќе се одржи во Скопје.
-Токму Меѓународната конференција е место за дијалог, со ова и се нанесува штета на држава. Ова не е својствено на верски лидер кој треба да повика на меѓурелигиско разбирање и човекољубие изјаво Божиновска.
ИВЗ нема да учествува на конференцијата, поради како што е наведено во соопштението, сеуште отворените прашања со Чарши џамијата во Прилеп, џамијата во Лажец,крстовите над саат кулите во Битола и Прилеп, враќање на национализираниот имот на ИВЗ, не доделување на земјиштето за изградба на Исламски Центар во Скопје, проектот Скопје 2014.