Холандскиот министер за надворешни работи Берт Кундерс денеска попладневно испрати видео порака упатена до македонските гласачи по повод престојните избори на 11 декември. Кундерс им порачува на граѓаните на Македонија дека патот до ЕУ зависи од волјата на гласачите и колку тие ќе се заложат за принципите на владеење на правото. Кундерс порачува дека Македонците треба да застанат против корупцјата, а да се заложат за владеењето на правото.
Под видеото прочитајте ја целосната изјава на министерот за надворешни работи на Холандија.
Јас сум Берт Кундерс, Министер за надворешни работи на Холандија. Холандија е долгорочен пријател на македонската демократија. За неколку дена Македонија се соочува со историски крстопат. Како Министер за надворешни работи на Холандија, не можам да застанам на страната на некоја политичка опција. Меѓутоа, моја должност е да ги застапувам европските вредности. Доколку македонските гласачи сакаат да се доближат до Европа, ќе мораат да се заложат за отчетност и владеење на правото. Треба да се заложат против корупцијата и за слободни медиуми, независно судство и демократија. На вас е, како наши пријатели, граѓани и како гласачи од Македонија, да ја побарате слободата и реформите кои се неопходни за приближување на вашата земја кон Европа, кон стабилност и посилна демократија. Излезете на гласачките места на 11 декември и донесете одлука за иднината на вашата земја, гласи изјавата на министерот за надворешни работи на Холандија