Грчката полиција поднесе кривична пријава, за нелегално поседување дрога и оружје, против 20-годишен Македонец, нефицијално, станува збор за син на актуелен државен функционер.
Според Плусинфо, кои го имаат официјалниот билтен на грчката полиција во Кукуш, македонскиот државјанин бил уапсен, а количеството дрога кое е пронајдено во неговото возило, со кое влегол на грчка територија, е мало најверојатно за негова лична употреба – три таблети екстази, 0,5 грама кокаин и нож ’скакавац’ долг 9 сантиметри.
Но, ригорозните закони за наркотични средства, кои се дел од глобалната светска борба со наркотици, диктираат строги казни, па Македонецот пред грчкиот суд ќе одговара за тешко кривично дело, за нелеглно поседување дрога и оружје, пишува Плусинфо.
Според соопштенето на полицијата од Кукуш, настанот се случил помеѓу 1 и 2 мај годинава, на граничниот премин Евзони, на грчка страна, на влезот од Република Македонија кон Република Грција.
Пресумцијата на невиност во европските држави е на високо ниво, па полицијата во Грција, во својот офицјален билтен, не ги наведува ниту иницијалите на 20-годишникот, кој бил уапсен.