Сообраќајот на државните денеска се одвива тековно во зимски услови, по претежно влажни коловози, наместа со остатоци од кашест снег на коловозот по интервенција на дежурните екипи на Македонија пат. Магла со видливост од 100 до 150 метри има кај Страцин.
АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста појава на одрони, особено на патните правци: Кочани -Мак. Каменица – Делчево, Виница – Берово, Гостивар – Стража, Маврово – Дебар – Струга, Д. Капија – Удово, Катланово – Велес, Крушево – Демир Хисар и Ресен – Буково.
Од АМСМ информираат дека патниот правец Ресен – Охрид (преку национален парк Галичица) е затворен за сообраќај, а од охридската страна возилата со вкупна тежина до 3,5 тони можат да се обраќаат само до месноста „Kорита“.