Водителката на ток шоуа а воедно и комедијантка, Елен Деџенерес, ќе биде „домаќин“ на Оскарите по втор пат.
„Возбудена сум што ќе ги водам Оскарите по втор пат. Знаете како велат – третиот пат, тоа е веќе шармот“, се шегува Елен.
Деџенерес беше водител на шоуто број 79 на Академијата за филмска уметност и науки, во 2007 година, за кое се проценува дека го гледале околу 40 милиони гледачи.
Оскарите се закажани за недела, 2 март 2014 година.
На својот Твитер профил Деџенерес напиша „Официјално е: Ќе бидам водител на Оскарите! Сакам да и се заблагодарам на Академијата, и на мојата сопруга Порша…“.
За продуцентите Крег Зејдан и Нил Мерон „не многу ѕвезди можат да ја пружат комедијата на Елен, нејзината топлина и хуманост“.
Неодамна избраната претседателка на Академијата пак, Шерил Бун Ајзекс, се согласила веднаш откако станало збор за популарната Елен.
„Ќе работиме на забавно, ангажирано и шоу полно со смеа“, изјави Ајзекс.