Од претседателот Стево Пендаровски, во делот на прашања од новинарите по состанокот на Советот за безбедност, беше побаран став и за неодамнешната Фејсбук пцовка на негова адреса од лидерот на Левица, Димитар Апасиев.
„Од прилика знам за каква креатура се работи, каков резон има, но навистина не верував дека може да дојде до ситуација да ми пцуе починат родител. Тоа ми е лична болка која не можат да разберам зошто имал потреба да ја искаже. Мојата мајка е почината пред 10 години и мислам дека е крајно нечовечки да ми пцуеш гроб на почината мајка“, рече Пендаровски.
Но, претседателот не зaстaна на тоа и продолжи со одговорот.
„Таква работа, таков јавен став може да каже само човек кој е ушмркан или му фали нешто во главата. Јас мислам дека тој психопат не е со сите, штом може да постира такви работи на социјалните мрежи. Тоа изјава без преседан во современа Европа. Ви гарантирам дека избран пратеник во било кој европски парламент, не пцуе починати родители на друг колега политичар. Ако имаш нешто меѓу нозе, тие работи на Балканот се кажуваат во очи. Но, што можеш да очекуваш од таква гнида од човек, да дојде во очи и да ти каже тоа, бидејќи знае кој се консеквенците. Не само јас, туку секој нормален човек за починат родител не би простил и знае што ќе добие во таква ситуација. Преку глава ми е од такви фејсбук патриоти, големи македонски мажиња кои нè туркаат во спротивна насока од демократијата“, додаде Пендаровски.
С.Д.