Ал Каида, активна во Јемен и Саудиска Арабија, позната под името AQPA, има список на десетина лица кои, за оваа терористичка организација, се најомразените.
Под насловот «Да можеме. Еден крушум на ден го држи неверникот далеку засекогаш» се ставени имињата на девет мажи и две жени објавени во мај 2013 година во тримесечниот магазин Инспајр кој и припаѓа на јеменската филијала на Ал Каеда, објавува денес францускиот дневник «Ле Монд».
На списокот фигурираат шведскиот карикатурист Ларс Вилс кој направи карикатура на Мухамед и кој најверојатно беше целта на терористот кој во Копенхаген на 14 февруари го нападна културниот центар во кој се одржуваше конференцијата «Уметност, богохулење и слобода на изразувањето» во чест на Шарли Ебдо. Вилс живее по полициска заштита.
На списокот беше ставен и Стефан Шарбоние Шарб кој беше убиен во Париз на 7 јануари годинава.
Освен нив, на списокот стојат имињата на Салма Ружди, американскиот пастор Тери Џонс. Курст Вестергаард кој исто така објавувал карикатури на Мухамед во 2005 година и Карстен Лусте поранешен уредник на Јиланд-Постен, данскиот весник кој ги објави карикатурите. Тука се и Ајан Хирси Али која е холандски граѓанин со со сомалиско потекло како и Моли Норис, американска новинарка која сакаше да воведе «ден на карикатурите на Мухамед». Сите овие луѓе се прогласени со злосторници против исламот.
Магазинот започна да работи во 2010 година, тој содржи од 40 до 90 страни на англиски. Според експертите, објавувањето на овој весник ја означува промената на стратегијата на комуникација на Ал Каеда. Весниот е полн со фотографии и инфографии а негова цел се читателите од западна Европа.
Во него можат да се најдат интервјуа на водачите на терористичката организација но текстови за «падот на моралот» и «злосторствата» на западниот свет. Цел на весникот е да ги убедат читателите дека западниот систем на вредности не е добар и дека тие треба да се свртат против него. Во рубриката «Кујната на Ал Каеда» можат да се прочитаат «рецепти» за начинот на кој се прави бомба.
Пораките упатени до читателите се состојат во квалификации како «осамен волк» кој е «способен да удри во срцето на Западот, таму каде што е најслаб» со што весникот се обидува да ги регрутира своите идни «борци».