Албанија доби статус на замја кандидат за членство во Европската Унија. Оваа одлука ја донесе Советот на министрите на ЕУ на денешното заседание во Луксембург.
Одлуката на Советот уследи по оценката дека Албанија преземала реформски чекори во контекст на европската агенда, а особено позитивно беше оценета акцијата на полициските сили во справувањето со организираниот криминал и конкретно акцијата спроведена во селото Лазарет кое долги години беше центар за производство на дрога.
Денешната одлука е потврда на реформските напори, но, исто така, и охрабрување за спроведување на повеќе реформи, изјави комесарот за проширување на ЕУ, Штефан Филе.