Албанската полиција успеа да ја стави под контрола таканаречената „Лазаратска република на канабис”.
Станува збор за селото Лазарат, недалеку од Ѓирокастро кое стана познато во светот заради масовното одгледување на канабис сатива и во кое години по ред не можеше да стапне полицијата.
Албанските медиуми јавуваат дека во текот на десетдневната полициска акција, во
Лазарат се уништени над 133.567 садници на канабис сатива како и над 54 тони опојни
дроги.
Во Лзарат се откриени и 5 лабаратории, од кои две за обработка на опојни дроги и три за
производтсво на масло од хашаш.
При оваа акција запленето е и големо количество на разновидно оружје. 317 aвтомати,
18 револвери, 2 снајпери, 1 противоздушен митралези, 24 обични митралези, 1 гулинов,
4 антитенковски мини, 4 гранати, 5 минофрлачи, 5 стари орудија е вкупниот биланс на
запленетото оружје во Лазарат.
Албанската полиција притвори 27 лица кои се осомничени дека пукале врз полицијата и
го контролирале производството на опојни дроги. Меѓу обвинетите е и претседателот на
Општина Лазарат, кој се соминичи дека за време на полициската акција ги помагал групите што пукале врз полицијата.
Инаку ова е една од досега најуспешните акции на албанската полиција против
организираниот криминал. Поранешните обиди на албанската полиција да влезе во Лазарат биле неуспешни. Оттаму се роди легенадата за неможноста да се освои оваа крепост која беше надвор од контролата и функционираше како засебна држава во држава.