НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Албански медиуми: Бегај се сретна со претставници на албанските партии во Северна Македонија; потрошени над пет милиони евра за заштита на обвинетите од Специјалниот суд за Косово; Вучиќ апси непослушни косовски Срби

0
By Ана Василевска on September 12, 2023 ВЕСТИ, РЕГИОН
СПОДЕЛИ
Facebook Twitter LinkedIn Email

Албанскиот претседател Бајрам Бегај, кој вчера престојуваше во Скопје во рамки на состанокот на Процесот „Брдо- Бриони“, се сретна со претставници на главните албански политички партии во Северна Македонија, пренесуваат албанските медиуми. Пет милиони и 5 милиони 485 илјади 800 евра изнесува сумата потрошена за заштита на обвинетите од Специјалниот суд за Косово, пишуваат косовските медиуми.

Ова се дел од темите што редакцијата на ЦИВИЛ Медиа ги издвои од албанските медиуми во регионот, за денешното издание на АЛ- ПРЕС.

АЛБАНИЈА 

Топ Чанел: Бегај на средби со претставници на албанските политички партии во Северна Македонија

За време на престојот во Скопје, претседателот Бегај се сретна со претставници на главните албански политички партии во Северна Македонија.

Остварени се средби со претседателот на ДПА, г. Мендух Тачи, со претседателот на Демократското движење, г. Изет Меџити, со претседателот на Демократската унија за интеграција, г. Али Ахмети, со претседателот на Европската демократска партија, г. Аријанит Хоџа, како и други значајни политички фигури во Северна Македонија.

Претседателот Бегај за време на разговорите се фокусираше на потребата од поблиска координација и соработка меѓу албанскиот фактор во регионот, пренесе Топ Чанел.

Балкан Веб: „Шансите се дека воопшто нема да има казна“, како обвинителството ги спасува членовите на племето Раја по варварскиот напад

Обвинителството на Тирана го смени обвинението против членовите на племето Раја, дел од нив уапсени, а дел барани за варварскиот напад врз двајца членови на племето Маја во Боризана на почетокот на јули.

Новинарката Клодијана Лала за „Балканвеб“ извести дека повикувајќи се на ова вештачење, најверојатно оваа кривична постапка наскоро ќе биде разрешена и членовите на племето Раја ќе се вратат во нормален живот, пренесе Балкан Веб.

КОСОВО

Зери: За осум месеци се потрошени над пет милиони евра за заштита на обвинетите од Специјалниот суд

„Од 1 јануари до 31 август 2023 година, сумата што Република Косово ја потроши за одбрана на обвинетите, кои се соочуваат со правдата во Специјализираните совети на Косово (ДХСК) во Хаг, изнесува 5 милиони 485 илјади 800 евра.“, пренесе Зери.

Коха: Двајца американски сенатори бараат од Блинкен да им обрне внимание на Албанците од прешевската Долина

Двајцата американски сенатори Џони Ернст и Гери Питерс со писмо се обратија до американскиот државен секретар Ентони Блинкен во кое бараат внимание на дискриминацијата и угнетувањето што им се прави на Албанците во Прешевската долина.

Во писмото тие ја изразуваат својата загриженост за третманот на оваа заедница, пренесе Коха.

Газета Експрес: Како се апсат косовските Срби кои не го почитуваат Вучиќ

Откако Српската листа и членовите на оваа партија поднесоа оставки од своите позиции во институциите на Косово, зголемен е притисокот и линчот врз српските граѓани кои работат во институциите на Косово.

Апсењето на Никола Радомировиќ, директор на Управата за администрација во општина Лепосавиќ, ги истакна проблемите со интеграцијата на српските граѓани кои сакаат да работат во косовските институции, а Белград не им дозволува, пренесе Газета Експрес.

АНАЛИЗА

Панорама: Дали може и треба  Албанија треба еднострано да го усвои еврото?

„Трилемата на монетарната политика, изборот на две цели на кои треба да се даде приоритет, ќе зависи од специфичните околности на земјата и од преференциите на нејзините креатори на политики. Ова е една од главните причини зошто албанските извозници имаат право да бараат од креаторите на политиката флексибилност во користењето на флуктуирачкиот девизен курс. Неодамна, забележано е зголемување на јавниот ангажман и меѓусебниот ангажман околу монетарните, фискалните политики и структурните реформи за ублажување на шоковите од превреднувањето на националната валута.“, се наведува меѓу другото во анализата „Дали може и треба  Албанија треба еднострано да го усвои еврото?“, од авторите проф. Еварист Стоја и проф. Арбен Малај, објавена во Панорама.

Подготви: Д. Тахири

Извор: Цивил Медиа

Бајрам Бегај Избор од албански медиуми Мендух Тачи
Share. Facebook Twitter LinkedIn Email
ТИКЕР

Постапките на Трамп убиваат, а љубовта спасува животи“, кажаа на Парадата на гордоста во Амстердам

August 3, 2025

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025
ФОКУС

Милановиќ ѝ забрани на хрватската армија да соработува со Израел

ВЕСТИ August 3, 2025

Претседателот на Хрватска Зоран Милановиќ ја повика хрватската влада да ја прекине трговијата со оружје…

Честитки од државниот за Илинден

August 2, 2025

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.