Предложената комесарка од Словенија Аленка Братушек денес ја повлече својата кандидатура да биде член на новата Европска комисија (ЕК) откако стана јасно дека европските пратеници нема да го одобрат нејзиниот избор.
На местото на Братушек најверојатно ќе биде именувана Тања Фајон која е словенечки пратеник од социјалистичката група.
Денес пратениците ќе одлучат кои од 28те комесари ја добиле нивната доверба по сослушувањата кои се одржаа овие денови во Европскиот парламент (ЕП) во Брисел.
Братушек требаше да биде комесар за енергетска унија и потпредседател на ЕК но во своето излагање пред ЕП таа даде одоговори кои беа прекуси и неубедливи за пратениците.
Истовремено антикорупциската комисија на Словенија демантираше некои од нејзините изјави а на сето тоа може да се додаде и фактот што самата таа се именуваше за комесар додека се уште беше премиер на Словенија.
ЕП се заканува дека нема им даде зелено светло за комесарската позиција и на кандидатите од Франција и Велика Британија. Пјер Московици кој е социјалист може да помине доколку помине и Шпанецот Мигуел Ариас Кањете кој е демохристијанин. Овде влегува во игра пазарењето помеѓу двете големи политички групи: доколку демохристијаните се согласуваат да го поддржат францускиот социјалист доколку социјалистите го поддржат Шпанецот.
Симпатиите на ЕП ги нема ниту финскиот кандидат Јурки Катаинен, поранешен премиер на Финска а проблем со ЕП има и Британецот Лорд Хил кој исто така денес ја очекува одлуката на пратениците како и унгарскиот кандидат Тибор Наврашич. Пратениците сметаат дека Унгарецот не смее да го добие портфељот за култура, образование и гараѓанство поради неговиот ангажман во контроверзните одлуки на унгарската влада на чело со Виктор Орбан во областа на граѓанското општество и медиумите.
Се очекува дека Французот, Финецот и Британецот сепак ќе добијат дозвола за комесарско место од ЕП но дека претседателот на ЕК Жан-Клод Јункер ќе мора да направи измени во портфељите. Така се очекува дека Фајон ќе најверојатно во ЕК ќе го добие портфељот на Унгарецот а енергетската унија ќе му биде доделена на Словакот Марош Шефчович.