НОВА: Ве молам за коментар за обвинувањата на власта и премиерот Груевски кон лидерот на опозицијата Заев за пуч и за соработка со странски служби, како и најава за судски процес
Алтхаузер: Македонските установи се повикани да ги истражат сериозните обвиненија на фер и транспарентен начин и во согласност со меѓународните стандарди, кои секако ја вклучуваат и пресумпцијата на невиност. Независноста на судството и на институциите за кривично гонење мора да бидео безбедена. Сојузната Влада, исто како и нашите европски партнери, со големо внимание ќе го следи понатамошниот тек на кривичното гонење.
НОВА: Кој е вашиот став за барања за институционална разврска на аферата Прислушкување, во услови кога прислушкуваните ленти покажуваат целосна спрега на власта со судството и медиумите
Алтхаузер: Постои потреба од внимателно расветлување и на сериозните обвиненија од страна на опозицијата кон Владата, меѓу другото, во врска со владината контрола врз судството и медиумите. Дел од Копенхашките критериуми, кои мора да бидат исполнети за пристапот кон ЕУ, е и правнодржавниот поредок.
Во извештајот за напредок од октомври 2014 г., Европската Комисија ја искажа својата загриженост за растечката политизација на судството и ја повика македонската Влада да обезбеди независност на судството.
И од тој агол, исто како и нашите европски партнери, со големо внимание ќе го следиме начинот на кој македонските институции ги третираат објавувањата на опозиција.
НОВА: Кој е вашиот коментар за најавеното посредништво од страна на ЕУ и Комисија, која би имала и странски претставници
Алтхаузер: Комесарот Хан и Високиот претставник за надворешна и безбедносна политика на ЕУ, Могерини, ја искажаа подготвеноста на ЕУ таа да настапи како посредник. Деталите околу организацијата ќе се договорат тогаш, кога обете страни ќе ја прифатат понудата за посредништво.