Амбасадорот на Европската Унија во Белград, Андреас фон Бекерат, повика на темелна истрага за секое сомневање за прекумерна употреба на сила од страна на полицијата врз демонстрантите во Србија, по вчерашната средба со претседателката на Народното собрание, Ана Брнабиќ.
Средбата се одржа во време на обновени антивладини протести во Белград и други градови во Србија, кои се интензивираа од почетокот на август.
Протестите ескалираа по вербални и физички судири меѓу две групи – граѓани и приврзаници на владејачката Српска напредна странка – во два града во автономната покраина Војводина.
Фон Бекерат нагласи дека полициските акции мора да бидат пропорционални и во согласност со основните права, истакнувајќи ги загрижувачките извештаи за закани и насилство врз новинари.