Објавени се номинациите за популарниот „Оскар“ во филмската индустрија, кој ќе се доделува по 86-ти пат. Ги нема Опра, Редфорд или пак Том Хенкс. Нема номинација ниту за браќата Коен, или пак за починатиот Џејмс Гандолфини.
„American Hustle“ и „Gravity“ добија по 10 номинации. „Hustle“ e номиниран во неколку поважни категории, меѓу кои за најдобра слика, за најдобар режисер (Дејвид О’Расел), актер (Кристијан Бејл), актерка (Ејми Адамс), споредна улога (Бредли Купер и Џенифер Лоренс), како и за најдобро прилагодување на сценарио.
Помеѓу нив, и „12 Years a Slave“, доби девет номинации, вклучувајќи ги категориите за најдобра слика, најдобар режисер (Стив Меквин), најдобар актер (Чиветел Ехиофор), најдобра споредна улога (Мајкл Фасбендер, односно Лупита Нјонго).
„The Wolf of Wall Street“ на Матин Скорсезе доби пет номинации. За најдобра слика, најдобар режисер, најдобар актер (Леонардо Ди Каприо), најдобра споредна улога (Џона Хил), и најдобро прилагодено сценарио (Теренс Винтер).
Американската филмска академија номинираше вкупно девет филма за најдобра слика: „American Hustle“, „Captain Phillips“, „Dallas Buyers Club“, „Gravity“, „Her“, „Nebraska“, „Philomena“, „12 Years a Slave“, како и „The Wolf of Wall Street“.
За најдобар актер се номинирани: Кристијан Бејл „American Hustle“, Брус Дерн „Nebraska“, Лео Ди Каприо „The Wolf of Wall Street“, Ехиофор „12 Years a Slave“ и Метју Меконахју „Dallas Buyers Club“.
Покрај Ејми Адамс за „American Hustle“, за најдобра актерка се номинирани уште и Кејт Бланшет „Blue Jasmine“, Сандра Булок „Gravity“, Џуди Денч „Philomena“ и Мерил Стрип „August: Osage County“.
Во номинациите за најдобра машка споредна улога покрај Бредли Купер за „American Hustle“ номинирани се и Баркад Абди „Captain Phillips“, Фасбендер „12 Years a Slave“, Хил „The Wolf of Wall Street“ и Џаред Лето „Dallas Buyers Club“.
Најдобра женска споредна улога: Сали Хокинс „Blue Jasmine“, Џенифер Лоренс „American Hustle“, Нјонго „12 Years a Slave“, Џулија Робертс „August: Osage County“ и Џун Сквиб „Nebraska“.
Помеѓу режисерите, годинава номинирани се Алфонсо Куарон „Gravity“, Стив Меквин „12 Years a Slave“, Александар Пејн „Nebraska“, Дејвид О’Расел „American Hustle“ и Мартин Скорсезе за „The Wolf of Wall Street“.
За најдобар анимиран филм, за 86-тите Оскар награди, номинирани се „The Croods“, „Despicable Me 2“, „Frozen“, „The Wind Rises“ и „Ernest and Celestine“.
Во трката за најдобро сценарио влегуваат пет филма и тоа: „American Hustle“, „Her“, „Dallas Buyers Club“, „Nebraska“ и „Blue Jasmine“.
Филмските награди од Академијата за филмски уметности и науки се закажани за 2.март, а годинава втор пат во својата кариера, водителка ќе биде Елен.