Во екот на дипломатските протести, предизвикани од информациите за американското шпиунирање на сојузниците кое што го обелодени поранешниот службеник на ЦИА , Едвард Сноуден, САД и Германија постигнаа договор дека нема да се шпиунираат меѓу себе, пишува германскиот весникот „ФАС“.
Договорот помеѓу делегациите на двете држави е постигнат оваа недела во Белата куќа, пренесе „Франс прес“.
Неименуван извор близок до германската влада рече дека договорот ќе биде заклучен на почетокот на 2014 година, а портпаролот на владата не ги коментираше тврдењата на медиумот.
Според пишувањето на весникот шефот на германската разузнавачка служба во понеделник во Вашингтон, ќе одржи состанок со шефовите на американските разузнавачи.