Ако Америка сака повторно да биде голема, мора да биде социјално поурамнотежена, тоа е прво и основно, културно јака, морално рехабилитирана, економски супериорна и воено силна толку колку што тоа го бара прашањето за нејзината безбедност и нејзините обврски за тие проблеми кон светот. Без Европа таа никогаш не може да биде ништо.
Бранко Тричковски
Поделбата на Украина меѓу Русија и Америка, со тоа што рускиот дел би бил руски дел, а американскиот би се остварувал како вазалски односно колонијален статус на делот што нема да и припадне на Русија, можеме да си го објасниме со актуелниот однос на силите, имаме и психолошки тестови со кои можеме да ја измериме смрдеата на сите опортунисти кои преку ноќ стануваат трамписти и путинисти, но и во тој однос, како и во можните промени што извесно по некое време ќе се случат и во Русија и во Америка и во Украина и во целиот свет, тој акт во подготовка, ќе биде забележан на камената плоча на човештвото како најголем пораз од времето на нацистичката експанзија со холокаустот како врв на злосторничкиот систем за кој би било алибично да се каже дека бил луд или дека бил израз на лудило. Како и за овој денеска. Прво за американскиот третман на руската смртоносна агресија за која никаде освен во Белата куќа, не постои скала на мракобесието на која може да се измери.
За менталната состојба во која се наоѓа Трамп, постои само еден начин да му се приближи вистината за тоа што го работи: предавството на Украина и обвинувањето дека таа е виновна за војната, за милионите жртви, за киднапираните украински деца и разорените градови, села и инфраструктура.
Тоа е како тој да си го вади окото или да го замоли шефот на одделот за ефикасност на владата да го свирне во челото затоа што се чувствува одговорен за благиот потег со главата со кој го спречи атентаторот од Пенсилванија да го убие. За фактот дека е жив и способен да прави свињарии кои ќе ја изместат планетата од орбитата, да се обвини себе си, а не непрецизноста на човекот кој сакал да го спаси светот.
Хахаха!
Тоа е неговата логика.
Ако некој манијак ги нападне Меланија или Барон со сексуални и смртосни мевосечачки намери, тој да ги подели на два дела со мечот на некој коњанички офицер од Граѓанската војна и половинките да му ги даде на манијакот.
Знам дека ова звучи вулгарно, но не гледам друг начин кој би бил бо состојба да го објасни злото што го прави.
Во таа смисла им се извинувам на Меланија и на Барон во надеж дека ќе ја разберат добронамерноста, па дури и благородноста на контекстот во кој се споменати.
Што се од жнесува до Америка, таа веќе сега е најмала во целокупната своја историја. Тоа намалување ќе продолжи дури и ако го окупира Гренланд или ако ја освои Канада.
Како престолнина на технолошката револуција, која комплетно го релативизираше значењето на територијата како фактор на моќта, трампистичките олигарски би требало тоа да го знаат и да му го кажат на лудиот крал, но не гледам дека прават некакви напори во таа смисла.
Но,Америка, Америка која ја направи најголемата грешка, прво кон себе, а потоа и кон светот, го осознава поразот од една диригирана хистерија и инсталирана екипа за русификација и се буди, почнува многу јасно да разбира што се случуло, што направиле.
Јас верувам дека ќе направат се да ја вратат излеаната река на неразумот и лудоста во коритото на законот, на институциите.
Ако Америка сака повторно да биде голема, мора да биде социјално поурамнотежена, тоа е прво и основно, културно јака, морално рехабилитирана, економски супериорна и воено силна толку колку што тоа го бара прашањето за нејзината безбедност и нејзините обврски за тие проблеми кон светот.
Без Европа таа никогаш не може да биде ништо.
Односно секогаш ќе биде бегалски камп.
Вештачка нација која овие сакаат да ја направат ѓаволска.
А ако мисли да и ја препушти на Москва тогаш ќе мора да го послушаат Маск и да се преселат на Марс.
Први ќе треба да појдат водачите.
Нормално.
Па нација составена од имигранти ќе види дали ќе реши уште еднаш да се сели или ќе се почувствува спасена без лудаци на чело на колоната за никаде.
Од Фејсбук ѕидот на авторот