Бранко Тричковски: Сјоран открил дека меѓу левите не е дозволено да се биде циничен.
Не знам што открила Ана, но претпоставувам дека почнал да и недостасува делот од посебноста што била принудена да го остави во партиското чистилиште.
Заедно со парчиња од духовноста, шармот и знаењето што успеала да ги прошверцува, а кои накнадно и биле детектирани од конгрегацијата на правоверието и фрлени низ прозорците на Редот на обездуховеноста на Бихаќка.
Кога стерилната строгост ќе биде заменета со радост, креативност и свежа мисла, ослободена од партискиот калап, како зајакнување на единствената линија која мора да биде доволно широка за да му даде шанса на духот на сите членови и симпатизери од ум, страст и енергија, а не да биде ласерска проекција на лидерот, кога новите и младите ќе почнат да и даваат нов квалитет на партијата наместо партијата да ги стерилизира во духот, тогаш ќе може да се каже дека сдсм се опремило со смисла и дека така опремено е спремно да истрча на теренот со сериозна политичка алтернатива.
Чија прва задача ќе биде да го спаси Македонецот од Македонија.
Ако може, понеже ропството во кое влезе е страшничко.
Од Македонија по која се фрла како будала по крстот.
И од вмро, се разбира.
И честитам на госпожата Чупеска за оставката.
Тој чин и го чува интегритетот, а може да биде благороден и за партијата, ако знаат да го разберат како што треба!
Извор: Фејсбук
(ПС. Нова.мк: Емил Сјоран е романски филозоф и есеист, роден во 1911-та во тогашната Австроунгарска империја).