Антикорупциската комисија отвори постапка по допрен глас за проверка на 18 вработувања на роднини на актуелни функционери од власта.
Ќе се проверуваат сите вработувања за кои се слушна во јавноста: на сопругот, синот и братот на пратеничката на СДСМ Мира Стојчевска, вработувањето на ќерката на спикерот Талат Џафери, потоа на сестрите на министрите Асаф Адеми и Крешник Бектеши, вработувањата на сестрата, дедото и бабата на пратеникот на СДСМ Александар Кирацовски, синот на пратеникот на НСДП Горан Мисвски, ќерката на пратеничката од независната група Емилија Александорва, мајката на пратеникот и портарпол на СДСМ Констадин Костадинов, сопругата на пратеникот Зеќир Рамичиловиќ и синот на пратеничката Милева Ѓорѓиева.
Исто така, под лупа на Антикорупциска ќе бидат и вработувања на сопругите на градоначалниците на Неготино и Берово, на внуката на градоначалникот на Прилеп и сопругот на државниот секретар во МВР Магдалена Несторовска.
Проверките ќе бидат насочени кон вработувањата во МЕПСО, ЕЛЕМ, АЕК, УЈП, а дел од спорните вработувања биле преку агенции за привремено вработување, за што комисијата укажа дека токму овде гледаат можност за реагирање на начинот и постапката, како роднини на функционерите стасале до работните места.
Претседателката Антикорупциската Комисија Билјана Ивановска емисијата Топ Тема на Телма, рече декаво овие случаи прекршен е член 56 од новиот Закон, каде вели дека избрано именувано лице, или одговорно лице во јавно претпријатие или друго правно лице е должно да ја извести Државната комисија за секој избор, именување или вработување на член на неговот семејство во државен орган, орган на локална самоуправа, јавно претпријатие или друго правно лице во рок од 10 дена од рокот на извршениот избор, именување, вработување.
Стојчевска и Мисоски ја известиле Комисијата пред два дена дека нивни блиски се вработени во државни претпријатија.
Но освен вработувањата на овие 18 лица кои се случиле во изминативе месеци или напредувале на високи раководни позиции, ќе се испитуваат сите можни партиски вработувања и од претходно.
Антикорупциска отвора предмет и за Годишната прграма за култура и ќе се проверува како е направен изборот на настаните и институциите кои ќе добијат државни пари.
-Сензитивноста на ова прашање , што се крена во јавноста, ние веднаш го поставивме како точка на дневен ред. И сметам дека треба да ја задолжиме службата во врска со ова, да постапи согласно процедурите, вели претседателката Ивановска.
Комисиите во Култура признаа само еден пропуст – пари ќе има и за Златно Славејче
Комисијата денеска апелираше да се почитуваат и препораките што важат по распишувањето на претседателските избори: да не се почнува изградба на патишта, спортски објекти, градики, училишта со пари од Буџетот или од јавните фондови. Не можат да се вршат вонредни исплаќања на плати, пензии и социјална помош, ниту пак може да се почнува со нови постапки за враборувања или откази во државни и јавни институции.