Аргентина не успеа да се договори со кредиторите,кои пред повеќе од десет години не ги прифатија условите за реконстуирање на нејзиниот државен долг, чиј рок за исплата истече вчера на полноќ. Кредиторите сега бараат земјата целосно да ги исплати обврските кон нив.
Министерот за економија на земјата Аксел Кисилоф не отстапи од политиката на аргентинската Влада и странските хеџ- фондови ги нарече „мршојадци”.
-Мршојадците се обидоа да ја натераат нашата земја да изврши нешто нелегално, изјави Кисилоф.
Неговата земја сепак била подготвена да ги згасне обврските кон сите доверители, но при „разумни услови, а не под притисок”, додаде министерот, цитиран од Wall Street Journal.
Во меѓувреме вчера аргентинските банки се обидоа да понудат алтернатива во последен момент,и да го откупат нефункционалниот долг, чуван од хеџ – фондовите за да се избегне запирање на отплатата.
Но, договорот пропадна и како резултат на тоа земјата ќе објави втор рок за подмирување на обврските во рамки на 13 години.
Инвеститорите беа охрабрени од преговарачкиот маратон меѓу Аргентина и медијаторот. Покрај тоа тие испитуваа можности дали предлогот за реорганизација на аргентинските банки може да биде прифатен. По шест часа интензивна дебата сепак претставникот на Аргентина вчера ја напушти салата за преговори во Њујорк без никакви резултати.
Аргентиската Влада бележи неуспеси во враќањето на глобалните кредитни пазари, од кои земјата е изолирана веќе над 10 години – откако во 2002 година не успеа да врати рекордни 100 милијарди долари долг.
Сега спорната сума е помала – 539 милиони долари, но судот во Њујорк нареди Буенос Аирес да им плати на сопствениците на обврзници и 1,3 милијарди долари плус камата.
Аргентина одби да ја признае пресудата, бидејќи тоа може да биде основа на други обврзници и побара активирање на клаузула во преструктуирањето на државниот долг, при што земјата ќе треба да плаќа стотици милијарди долари.
Банкротот уште повеќе би можел да ја зголеми галопирачката инфлација во земјата.