Асоцијацијата на архитекти преку социјалните мрежи денеска повика на поддршка за зачувување на карактерот и духот на Градскиот трговски центар.
Според нив ГТЦ мора да остане отворен, функционален и автентичен и дека е нераскинлив дел од идентитетот на Скопје со што секоја несоодветна промена е сквернавење на спомените.
Претседателката на Асоцијацијата за 24 Вести потврдува дека во тек се последните подготовки за потпишувањето на најавената петиција и обраќања на архитектите преку мегафони.
Инаку Асоцијацијата на архитекти на Македонија до доцна синоќа го подготвуваше сценариото за престојните протести против планираниот нов изглед на Градскиот трговски центар.
На состанокот, како што дознава „фактор“ биле присутни сите членови на одборот кои во петок како што изјавија здружени ќе се обидат да ја докажат вредноста на овој култен објект за сите скопјани.
На протестите, освен потпишувањето на петицијата превидени се говори на архитектите во контекст на значењето и зачувувањето на оргиналниот изглед на ГТЦ. Исто така архитектите под иницијативата “Го сакам ГТЦ”, ќе застанат во вид на жив штити и на симболичен начин ќе го гушнат објектот.
Од Асоцијацијата ги повикуваат сите граѓани кои се против обезличувањето на ГТЦ, да се потпишат на петицијата и да се придружат на живиот штит со креативни и остварливи предлози.