Иако пред повеќе од месец и половина ја примив втората доза од вакцината, вирусот се уште е меѓу нас, објави Арифи на Фејсбук
Градоначалничката на Тетово, Теута Арифи, е позитивна на коронавирус, објави таа денеска преку својот Фејсбук профил. Таа пред повеќе од месец и пол ја примила и втората доза од вакцината.
„Почитувајќи ги здравствените протоколи, следните денови ќе останам во самоизолација. Иако пред повеќе од месец и половина ја примив втората доза од вакцината, вирусот се уште е меѓу нас и може да влијае на секого! Благодарение на вакцинацијата досега имам само благи симптоми, затоа ги охрабрувам сите граѓани да се вакцинираат што е можно поскоро! Останете внимателни и одговорни, заштитете се себе, семејството и другите околу вас!“, посочи Арифи.