Артан Груби, кој е актуелен шеф на кабинетот на лидерот на ДУИ Али Ахмети, ќе биде кандидат за градоначалник на интегративците за Скопје на претстојните локални избори, што се закажани за 24 март годинава.
Изборот на Груби го донел лично претседателот на партијата Ахмети, а во конкуренција биле и неговите сопартијци – министерот за економија Ваљон Сараќини, заменик-министерот за образование Сафет Незири, портпаролот Бујар Османи и пратеничката Ермира Мехмети.
Груби на јавноста и е познат и како долгогодишен лидер на невладината „Разбуди се“.
На последните парламентарни избори во 2011 година, Груби учествуваше како член на ДУИ и беше на пратеничката листа во втората изборна единица.
Противкандидат на Груби од опозициската ДПА е Беќим Фазлиу.