Author: Ivana

Украинскиот претседател Володимир Зеленски соопшти дека ја потпишал апликацијата за во Европската Унија.  – Денеска потпишав апликација за членство на Украина во Европската Унија. Сигурен сум дека ова е реално остварливо, напиша Зелински на својот Фејсбуик профил. Тој од Европската унија побара на земјата да и се дозволи на Украина веднаш да добие членство по посебна процедура. Зеленски и претходно побара итен прием на Украина во ЕУ, а сега тоа го направи и со потпишување на овој официјален документ, од кој беа објавени и фотографии. „Ова е одлучувачки момент за ставање крај на долгогодишната дискусија еднаш засекогаш и за носење…

Генералното собрание на Обединети нации со едноминутно молчење за Украина ја отвори специјална вонредна седница на која ќе се дебатира за тоа дали да се осуди руската инвазија врз нејзиниот сосед. Претседателот на ГС Абдула Шахид пред 193-те членки на ОН повика на „итен прекин на огнот“. Тој упати апел до вмешаните страните да ја искористат „ретката“ можност за дијалог за „смислено и брзо да се деескалира“ ситуацијата. Франција денеска ќе поднесе резолуција во Советот за безбедност на ОН, со која ќе повика на итен прекин на огнот во Украина и гаранции за доставување на хуманитарна помош до цивилите. Во…

Претседателот на Владата на Република Северна Македонија, Димитар Ковачевски, заедно со заменик-претседателот задолжен за економски прашања, Фатмир Битиќи и министерот за финансии, Фатмир Бесими, денеска во Лондон оствари средба со претседателката на Европската банка за обнова и развој, Одил Рено-Басо, во рамките на Инвестицискиот самит за Западен Балкан. Премиерот Ковачевски како исклучително позитивна ја оцени соработката со Европската банка за обнова и развој, со која Северна Македонија е партнер речиси 30 години и во која од 1993 година и до денес банката има одобрено суштински проекти во јавниот и приватниот сектор кои се од огромно значење за животот на граѓаните.…

Денеска во Штип, Здружението ПКУ Херои го одбележа денот на ‘ретките’ и испрати силна и гласна порака за поддршка и помош на лицата дијагностицирани со ретки болести. На настанот организиран по повод Меѓународниот ден за ретки болести, 28 Февруари учествуваа учениците од средното медицинско училиште ‘Јане Сандански’ и директорка Маја Гичева. Иницијативата беше поддржана и од градоначалникот на Општина Штип, Иван Јорданов, и директорот на Клиничката болница – Штип, Ален Георгиев. ‘Идејата и целта на нашето здружение е да го подобри квалитетот на живот на лицата со ретки болести и да ја подигне свеста за предизвиците со кои се соочуваат…

Владата на Република Северна Македонија се придружува на сеопфатната поддршка на сојузниците во НАТО и партнерите во ЕУ, и донесе одлука за донација на воени средства и опрема за официјалните вооружени сили на Украина, соопштија од прес центрот. – Видот на средства кои се донираат се согласно барањата на Украина, се вели во соопштението на Владата.

Поради бројните појавени прашања за состојбите во и околу Украина, со посебен фокус кон состојбата на нашите државјани, дозволете да информираме дека Министерството за надворешни работи одблиску ја следи состојбата и ги вложува сите напори за да им излезе во пресрет на нашите државјани кои имаат побарано асистенција за нивна евакуација. – Дозволете да информираме дека Министерството за надворешни работи навремено информираше за влошувањето на безбедносната состојба со постојани апели за напуштање на Украина додека тоа беше сѐ уште изводливо, нешто што над 20 наши државјани го искористија, се вели во соопштението на МВР. Од таму потенцираат дека во моментот продолжуваат напорите…

Министерот за правда Никола Тупанчески денес се сретна со амбасадорката на Соединетите Американски Држави во нашата земја, Н.Е. Кејт Брнз, со која разговараше за досегашната соработка меѓу двете држави во областа на правосудството, како и за можностите за унапредување и продлабочување на соработката. Министерот Тупанчески му се заблагодари на амбасадорката за досегашната поддршка и помош од страна на Соединетите Американски Држави за Северна Македонија, кога станува збор за подобрување на ефикасноста на судството. – Фокусирани сме на одржување на реформското темпо, спроведувањето на Законодавната агенда и јанењето на капацитетите на правосудните институции.Независното судство е важен темел на секое демократско општество,…

Премиерот Димитар Ковачевски и премиерот на Црна Гора, Здравко Кривокапиќ денеска во Лондон остварија средба, на која ја потврдија силната посветеност на двете земји за уште поинтензивна соработка, која после сојузништвото во НАТО е упатена кон заедничките ЕУ перспективи. Како што соопштија од владината прес-служба, за време на разговорот со својот колега од Црна Гора, премиерот Ковачевски ја нагласи потреба од заедничкото учество во унапредување на регионалната соработка со цел обезбедување европска перспектива за двете држави, напредок, стабилност и подобра иднина за граѓаните на Западен Балкан. Двајцата премиери се согласиле дека двете земји ќе ги искористат потенцијалите за зголемена соработка…

Не верувајте на лаги. Верувајте на информациите само од службени извори“, порача градоначалникот на престолнината на Украина, Виталиј Кличко. Претходно, „Асошиејтед прес“ објави дека Киев е опколен, но, спремен за борба. Но, неговиот портпарол рече дека Кличко е лошо интерпретиран и дека таа информација е лага и манипулација. Британски „Гардијан“ пренесува дека и самиот Кличко изјавил дека информациите дека Киев е опколен се лажни. „Руските медиуми ширеа информации за мене, дека Киев е опколен и дека евакуацијата на луѓето е невозможна. Не верувајте во лаги, верувајте само во информации од службени извори“, рече тој.

Разговорите меѓу руската и украинската делегација ќе почнат утре наутро, изјавил извор за ТАСС. – Тоа не е одложување. Средбата ќе почне наутро. Причината е логистиката на украинската делегација, рече изворот. Помошникот на рускиот претседател Владимир Медински, кој ја предводи руската делегација на разговорите, претходно изјави дека во неделата е постигнат договор со украинската страна за разговори во белорускиот регион Гомел. Руската делегација веќе го напуштила Минск и се упатила кон местото на разговорите, кое, според изворот на ТАСС, нема да биде откриено.

Украинскиот претседател Володимир Зеленски „дефинитивно нема да биде дел од делегацијата во преговорите со Русија“. Тоа го изјави амбасадорката на Украина во САД, Оксана Маркарова. Таа за Си-Ен-Ен изјави дека украинскиот претседател останува да ја „брани земјата“, го повика рускиот претседател да ја прекине војната и рече дека Украина ќе испрати делегација на преговорите. Амбасадорката додаде дека Украина е секогаш подготвена за разговори, но дека не е подготвена да се предаде.

Евакуацијата на цивилите од Киев сега не е возможна. Главниот град на Украина е опколен,  изјави градоначалникот на Киев, Виталиј Кличко. „Не можеме да евакуираме цивили, бидејќи сите патишта се блокирани. Моментално сме опколени. Само што разговарав со претседателот Зеленски. Никој не се чувствува добро, изјави Кличко за американски медиуми. Кличко призна дека властите во главниот град не успеваат целосно да ги контролираат вооружените доброволци во единиците за територијална одбрана. „Да бидам искрен, немаме стопроцентна контрола над вооружените единици на доброволци“, рече Кличко, нагласувајќи дека Киев е на раб на хуманитарна катастрофа. „Засега во нашите домови имаме струја, вода и…