Author: Marija Todorovska

Универзитетското студентско собрание при УКИМ нема веќе да организира собири по повод трагедијата во Кочани.

Вчера вечерта новинарски екипи од ТВ21 и Ројтерс беа повикани на разговор во полициска станица поради снимање со дрон на собирот на плоштадот во Скопје.

Тој нагласи дека во изминатите 33 години само еден министер за транспрт и врски, Антони Пешев, си даде оставка од морални причини после падот на рускиот авион кај кичевските брда во која загинаа 99 патници. Тој е единствениот случај на морална одговорност во нашата држава. Лицата кои раководат со институции, министри, директори, раководители… треба да имаат голем кредибилитет и интегритет.

Министерот за внатрешни работи Панче Тошковски информира дека се идентификувани и е завршена обдукцијата на сите 59 починати лица од трагичниот настан во Кочани. При пожарот, како што посочи, со повреди се здобиле 196 лица, од кои 20 се деца.

Веднаш по повикот за јавен собир по повод трагедијата во Кочани во организација на иницијативата „Кој е следен?“, се покрена дезинформациска кампања насочена против граѓанското учество. Една маргинална интернет веб страница, како и неколку Фејсбук страници, излегоа со тврдење дека ЦИВИЛ е организатор на собирот. Тоа е лага! И воопшто не е наивна. Не се работи за грешка или недоразбирање, туку за смислена кампања со која се дискредитираат граѓанските иницијативи и се прави обид да се спречат граѓанките и граѓаните слободно да го изразат своето мислење на јавен настан.

Две лица повредени во пожарот во дискотеката во Кочани утринава се пренесени на лекување на Клиниката за трауматологија во Клиничкиот болнички центар „Сестре милосрднице“ во Загреб, додека транспортот на уште двајца пациенти се очекува денеска.

Досега за вкупно 16 лица е определен краткотраен притвор од 48 часа во врска со пожарот во дискотеката во Кочани каде загинаа 59 лица, а над 150 се повредени.

Урим Салиу: Мицковски да не го бара на друго место проблемот. Треба да тргне од својот кабинет, односно да отстрани неколку министри од кабинетот, макар и од морални причини затоа што се случи страшна трагедија. Потоа, како премиер, со надлежните институции мора да копаат и во минатото, начинот на издавање на лиценцата и многуте злоупотреби што се случија итн. Некој ја отвори дискотеката, но некој не ја затвори. Ова е од суштинско значење за да се дојде до дното на овој случај и на многу други и да не се дозволи овој тажен случај да се злоупотреби политички. Линк

Дритон Зенку: Шемата на апсења зборува за селекции. Не може да се истражува изминатиот период, додека не се утврди одговорноста на актуелните раководители. Не може да се истражува изминатиот период, додека не се утврди одговорноста на актуелните раководители. Не знам дали началникот на локалната полиција бил сослушан или не. Не знам дали надлежните институции одговараат што дозволиле дискотеката да работи без лиценца. Истрагата тргнува од моменталната состојба и потоа се испитуваат други околности. Не амнистирам никого, но факт е дека дискотеката почна со работа на времето на ВМРО-ДПМНЕ и трагичниот инцидент се случи сега кога оваа партија е на власт.…

Склад за гориво имало во близина на дискотеката „Пулс“ каде во неделата рано сабајле во пожар загинаа 59 лица, а над 150 се повредени. Резервоарот за нафта бил на друг објект, а бил откриен од страна на крим техника.

Министерот за внатрешни работи Панче Тошковски поради трагедијата во дискотеката во Кочани одлучи да бидат разрешени началници, помошници и командири во Штип и Кочани, потврдија за МИА од МВР.

И вчера и денеска посетив пациенти повредени во пожарот во клубот „Пулс“ во Кочани и ги запазив сите протоколи кои ми беа побарани од страна на медицинскиот персонал и докторите. Не го правам тоа заради П.Р., туку за да излезам пред медиумите и да зборувам отворено за се она со што се соочуваме во овие моменти, порача премиерот Христијан Мицкоски.