Author: Marija Todorovska

Основниот кривичен суд Скопје соопшти дека главната расправа за предметот „Адитив“ закажана за утре се отповикува.

Папата Лав Четиринаесетти ги повика католиците и другите верници в петок да го одбележат денот на пост и молитви за мир во Украина и другите земји погодени од војна.

Украинскиот претседател денеска изјави дека Русија нападнала бензинска пумпа во јужниот регион Одеса.

Кривичниот суд го одобри обвинителниот акт против Б.Н. во предметот „Адитив“, отфрлајќи ги приговорите на одбраната. Истовремено, поднесен е обвинителен предлог против уште три лица за кривично дело „оддавање службена тајна“, а се разгледува и можноста за спојување на обвиненијата.

Министрите за одбрана на НАТО денеска треба да одржат виртуелен состанок за идните безбедносни гаранции за Кијив.

Вредноста на синдикалната минимална кошница за месец август 2025 година изнесува 65.507,00 денари, што претставува зголемување од 179,00 денари во споредба со јули, кога изнесувала 65.328,00 денари. Во споредба со периодот пред укинување на активните владини мерки, кошницата е зголемена за 2.816,00 денари или 4,49 отсто, соопштуваат од Сојузот на синдикатите на Македонија.

Речиси две третини од германските граѓани ја поддржуваат одлуката на канцеларот Фридрих Мерц за делумна забрана на извоз на оружје за Израел, покажува истражување на „ЈуГов“ спроведено за ДПА.

Советот на Народната банка ја донесе Одлуката за изменување и дополнување на Одлуката за задолжителната резерва, со која дополнително се зајакнува улогата на овој инструмент во поттикнување на штедењето во домашна валута и на подолги рокови. Воедно, овие промени претставуваат и дополнителна поддршка на монетарната политика на централната банка.

Милијардерот Илон Маск „тивко“ се повлече од идејата за основање нова политичка партија во САД, објави Волстрит џурнал, повикувајќи се на извори блиски до него.

Најмалку 76 лица, меѓу кои и деца, загинаа во западен Авганистан кога патнички автобус што превезувал репатрирани мигранти од Иран се судри со камион и мотоцикл, јавија државните медиуми.

Министерството за надворешни работи на Босна и Херцеговина испратило барање до кабинетот на претседателот на Република Српска, Милорад Додик, за враќање на неговиот дипломатски пасош, пренесува Анадолија.

Атина: Незаконско заземање на плажите со поставени лежалки и чадори од бич баровите, недостаток на спасувач, како и пречки за слободен пристап и недостиг на инфраструктура за лица со попреченост, се главните пријави поднесени преку специјалната апликација на грчката Влада „MyCoast“ за нерегуларности на плажите во Грција, а досега биле доставени над 11.500 пријави од кои најголемиот број се на Халкидики.