Author: Marija Todorovska

Соединетите Американски Држави посочија дека ќе ја поддржат ослабената резолуција на Советот за безбедност на ОН за повикување на поголема хуманитарна помош за Газа по една недела преговори и четири одложувања, но некои земји сакаат посилен текст кој ќе го вклучи сега елиминираниот повик за примирје.

Здравствените установи по Нова година на пензионираните и испразнети места, ќе можат да вработуваат нов кадар, со одговорност и согласност од Министерството за здравство.

Европската комисија објави дека ЕУ обезбедува од своите стратешки залихи 500 генератори за производство на електрична енергија во болниците и училиштата во Украина.

Чешката полиција денеска објави ново видео од нападот од зградата на Филозофскиот факултет на Карловиот универзитет во Прага, каде напаѓачот уби 14 лица, а рани уште 25. Тие, на прес-конференција, објавија и нови детали и потврдија дека напаѓачот се самоуби по масакрот.

Основното јавно обвинителство информира дека во обвинителството пристигнале обдукциските наоди за Вања Ѓорчевска и Панче Жежовски кои беа пронајдени мртви на 3 декември во околината на Скопје и Велес.

Соединетите Американски Држави и пријателските европски земји јасно кажаа кој е патот на напредокот на Северна Македонија. Од нивните пораки се гледа кои се деструктивните фактори кои сакаат земјата да ја смени стратешката ориентација и кои се прогресивните сили кои носат развој на земјата и интеграција во Европската унија.

Меморандум за соработка меѓу Република Северна Македонија и Република Словенија во делот на вработувањето, родовата еднаквост, политиката за социјална и детска заштита, беше потпишан денеска во Скопје.

По повод промената на дејноста, видот и називот на болницата за деца „Козле“ во Скопје, премиерот Димитар Ковачевски денеска ја посети институцијата која со одлука на Владата прерасна во универзитетска клиника.

Сериозниот развој на настаните со недостигот на храна во Појасот Газа треба да биде повик за будење за целиот свет со цел веднаш да се преземат мерки за спречување на оваа хуманитарна катастрофа, порачаа денеска во заедничка изјава високиот претставник на ЕУ за надворешна политика и безбедност Жозеп Борел и еврокомесарот за управување со кризи Јанез Ленарчич.

„Доколку би биле претседател на еден ден, што би направиле прво“- граѓаните за анкетата „Внимание, внимание – зборуваат граѓаните“, даваат различни одговори. Некои би се заложиле за социјална правда и социјално избалансирана држава, други би направиле журка на плоштад, трети посакаа да нема поделба кај македонскиот народ. За некои е важно повеќе украси и посреден град, други се за повеќе хуманитарни концерти, студентски град и клинички центар, подобро здравство, жена за претседател, „за сите луѓе да има леб“.

Министерката за култура Бисера Костадиновска-Стојчевска вечерва присуствуваше и се обрати на манифестацијата „Во чест на поетот“, во Центарот за култура „Ацо Шопов“ во Штип, во годината кога македонската држава ја одбележува 100 годишнината од раѓањето на еден од најзначајните поети во македонската современа книжевност.

Грижата за сите, особено за ранливите граѓани е социјалдемократска вредност која ние ја преточивме во конкретни политики и мерки затоа што веруваме дека на секого му е потребна помош и поддршка, рече претседателката на Форумот на жени на СДСМ и министерка за труд и социјална политика Јована Тренчевска на денешната трибина Повеќе за сите во Гевгелија.