Author: Marija Todorovska

По руско гранатирање избувнаа пожари во Херсон, а има и жртви, соопшти вечерва шефот на воената управа на областа Херсон, Олександр Прокудин, пренесуваат украинските медиуми.

Димитар Ковачевски, на седницата за пратенички прашања во Собранието на Република Северна Македонија, посочи дека денес минималната плата, просечната плата и пензиите, но и платите во клучните сектори во државата се покачени како никогаш досега. И тоа во услови кога инфлацијата е спуштена од 19 на 3 проценти, на ниво како пред кризата.

Пропалестински протести синоќа го блокираа сообраќајот околу меѓународниот аеродром Лос Анџелес и меѓунарoдниот аеродром Кенеди во Њујорк, двата најголеми во земјата.

Министерката за култура, Бисера Костадиновска-Стојчевска денеска оствари предновогодишна средба со новинарите на која ја резимираше годинава која изминува и достигнувањата во својот ресор, а ги најави и поголемите активности за следната година.

„Биди видлив гнидо, куршумот кај и да е ќе те стигне“ – гласи заканувачката порака од профилот со назив „Александар Антиќ“ во кој е наведен податокот дека е од Скопје, упатена кон Џабир Дерала, за колумната „Снајперисти со врзани очи“.

ДЕХРАН МУРАТОВ / ЦИВИЛ МЕДИА Лидерот на ВМРО-ДПМНЕ, Христијан Мицкоски предизборно им се додворува на медиумите, односно сака без пари да ги „купи“, односно да ги придобие. Тој најави дека неговата партија ќе предложи медиумските работници да бидат ослободени од плаќање на придонесите за плата, со исклучок на МРТ и МИА, бидејќи тие добиваат пари од државниот буџет. Доколку овoj предлог не биде прифатен од Владата и мнозинството, тој нагласи дека ако ВМРО-ДПМНЕ ја формира идната влада, при првиот ребаланс во јули ќе се предвиди ослободување на медиумските работници од овие давачки.

Процесот на реформи во правосудството, според министерот за правда Кренар Лога, е ултраинклузивен, особено, како што рече, во делот на тоа што цело време е следен од страна на Брисел и од европската делегација во државава.

Денес советот на Град Скопје, поттикнат од градоначалничката, успеа сам себе да си даде автогол, и скопјани да ги осуди на уште една година загаден воздух. Очигледно не беше доволно што Горјан носеше маска на вчерашната седница и посочи дека 5600 луѓе умираат во Македонија од аерозагадувањето. Како си даде советот автогол?

Украинскиот претседател Володимир Зеленски денеска им се заблагодари на американскиот претседател Џо Бајден, Конгресот и американскиот народ за последниот пакет воена помош, овој пат вреден 250 милиони долари, и нагласи дека тој ќе ги покрие „најитните потреби на Украина“.

Александар Поповски, македонски писател, поет, романописец и автор за деца, почина денеска во 91. година од животот, информира Друштвото на писатели на Македонија.

Онколошките пациенти да бидат мирни, ќе има биолошка терапија, изјави денеска министерот за здравство Фатмир Меџити, одговарајќи на новинарско прашање дали ќе има биолошка терапија за онколошките пациенти, кои треба да ја добијат идната недела.

Кажи ДА и мисли го тоа: СРЕЌНА НОВА 2024 ГОДИНА Светот го потресуваат жестоки кризи – воени, политички, економски, енергетски и еколошки. Лавината ја предизвика милитантниот диктатор Путин, со целосната воена агресија против независна Украина пред речиси две години. Директно или индиректно, тоа предизвика нестабилност и безбедносна криза во голем дел од светот, а потоа и оружени конфликти и војни во речиси сите невралгични точки на планетата, од кои, со бруталноста, посебно се издвојува војната меѓу Израел и Хамас во Појасот Газа.