Author: Zoran Ivanov

Бројот на жртвите од уривањето на покривот на ноќен клуб во Санто Доминго се искачи на 231, објави министерот за внатрешни работи на Доминиканската Република.

Центарот за управување со кризи информира дека на патот Скопје – Велес има одрон, што било пријавено вчера доцна попладне.

Студентите кои синоќа ги блокираа РТС и сите влезови на оваа телевизија на улицата Таковска и Кошутњак ноќта ја минаа пред влезот и од утрово не дозволуваат на никого да влезе.

Темелко Ристески: Благодарение на социјалните мрежи, а пред се на Фејсбук, на површина излезе сета будалаштина на светот. Се чини дека скоро секој човек: ук и неук, паметен и глупав, сака нешто да каже или со клик да потврди. При тоа најхрабри се неуките и недоволно уките, како и оние со плитка памет. Генијалниот Достоевски прорекнал дека ќе дојде време во кое паметните ќе отстапуваат пред плиткоумните. Тоа време се наоѓа на отворената порта на човештвото. Извор: Фејсбук

Мене ми е нејасно како некои од моите поранешни сопартијци трчаат во скутот на еден потпросечен политичар како Христијан Мицкоски, зашто сдсмовската борбеност налага да се одважиме и да се спротивставиме на деструктивните политики на владејачкото мнозинство. Тоа ние и го правиме, вели потпретседателката на СДСМ, Кристина Костова во интервју за „360 степени на МТВ“.

Сите земји членки на ЕУ сакаат мир и поддржуваат прогласување примирје, Украина пред повеќе од еден месец се согласи на безусловен прекин на огнот, но гледаме дека Русија се уште е единствената што сака војна, изјави денеска високата претставничка на ЕУ за надворешни работи и безбедносна политика Каја Калас. 

Марјан Николов: Истата таа анкетата за потрошувачка на домаќинствата, покажува и дека најбогатите 10 отсто употребиле речиси за 10 пати повеќе средства во денари од 10 отсто најсиромашните. Владината претпоставка за тричлено семејство јасно ми е дека доаѓа од анкетата за потрошувачка на домаќинствата – АПД (последен податок кој е достапен покажува 3,05 просечен број на членови). Но Владата „глуми лудило“ кога манипулира и ја злоупотребува бројкава како ним и на капиталот им одговора. Истата АПД анкета покажува дека најбогатите 10 отсто употребиле речиси за 10 пати повеќе средства во денари од 10 отсто најсиромашните, а 20 отсто најбогати располагаат…

Советникот Венко Крстевски е избран за в.д градоначалник на Општина Кочани. Кандидатурата на Крстевски со девет гласа беше подржана од советниците на СДСМ, а воздржано гласаше советничката од Левица. Членовите на Советот од ВМРО-ДПМНЕ својата поддршка му ја додадоа на нивниот координатор Гоце Марков.

Преговарачите од Соединетите Американски Држави и од Европската Унија се состанаа повеќе пати и постигнаа огромен напредок, изјави денеска економскиот советник на Белата куќа, Кевин Хесет.

Бугарија е целосно подготвена да потпише договор со Република Северна Македонија и да започне со копање на граничниот железнички тунел што е можно поскоро, изјави бугарскиот министер за транспорт и комуникации, Гроздан Караџов, кој заедно со министерот за регионален развој и јавни работи Иван Иванов и министерот за одбрана Атанас Запријанов ги презентираа плановите за развој на Коридорот 8 пред амбасадорите на ЕУ и НАТО.

Брисел: Европската комисија одлучи на претставниците на мисијата во САД да им подели мобилни телефони и лаптопи за еднократна употреба за да се избегне ризикот од шпионажа, пишува Фајненшл тајмс, повикувајќи се на извори.

Тирана:  Шефот на Специјалното обвинителство против корупција и организиран криминал, Алтин Думани, изјави дека корупцијата на високо ниво во Албанија се спроведува на софистицирани начини, при тоа наведувајќи бројка за високи функционери кои паднале во мрежата на СПАК.