Авион полн со патници се запали денеска на пистата на аеродромот Ханеда во Токио.
Од видеото на локалната телевизија се гледа како избувна пожарот од страната на авион на Japan Airlines додека се движеше на пистата. Потоа се запали и областа околу крилото.
Според Japan Airlines, пожарот избувнал откако авионот се судрил со авион со кој управувала Јапонската крајбрежна стража.
Авиокомпанијата потврди дека речиси 400 патници и членови на екипажот во авионот се безбедно евакуирани.
Првичните извештаи за авионот на крајбрежната стража велат дека додека пилотот очигледно избегал од пожарот, пет други членови на екипажот првично не биле пријавени. Тие сега се пронајдени, но нивната состојба е нејасна.
Подоцна, видео снимка покажа дека пожарникарските екипи работат на гаснење на пожарот на Ербас А350. Веднаш не беше јасно што се случило или дали има повредени. Телевизијата NHK објави дека авионот бил JAL летот 516 кој полетал од аеродромот Шин Читосе во Јапонија до Ханеда.
Ханеда е еден од најфрекфентните аеродроми во Јапонија.
Авионот на крајбрежната стража наводно бил на пат кон област на западниот брег на Јапонија оштетена од земјотрес со јачина од 7,6 степени според Рихтеровата скала. Најмалку 48 луѓе се претпоставува дека се убиени, а други се уште се закопани под урнати згради.
Извор: Еуроњус