Премиерот на Австралија, Тони Абот денеска соопшти дека и неговата држава се придружува во меѓународната коалиција против Исламската држава во Ирак и Сирија.
„Владата денеска ги одобри Воздушните напади во Ирак на барање на ирачката влада“, информираше Абот.
Абот во септември испрати 600 војници во Обединетите Арапски Емирати во првата етапа од учеството во коалицијата која ја предводи САД.
Досега австралиската воздушна помош се состоела од испорака на оружје на властите во Багдад.
Абот додаде дека припадниците на специјалните единици ќе бидат распоредени на теренот за мисијата за помош и давање на совети на ирачката војска.
Од друга страна, турскиот Параламент синоќа донесе одлука со која на владата и се даваат дополнителни овластувања за воени операции во Ирај и Сирија и им дозволи на странските борци да ја користат турската територија за операции против Исламската држава.