Ѕвездата на рускиот балет Павел Дмитриченко е осуден на 6 години строг затвор откако судот го прогласи за виновен за нападот на Сергеј Филин, уметничкиот директор на Баљшој театарот.
Неговите помагачи исто така се прогласени за виновни за нападот со киселина во кој тешко беше повреден Филин. Извршителот на нападот Јуриј Зарупски е осуден на десет години затвор, а возачот Андреј Липатов на четири години, објави агенцијата Франс прес.
>>Нов скандал: Балерина го обвинува Бољшој театар за корупција
Тие на 17 јануари му фрлија сулфурна киселина в лице на уметничкиот директор на Баљшој театар, Сергеј Филин.
.jpg)
Пресудата е круна на сензационалниот судски случај со кој излегоа на виделина скандалите во престижниот театар.
>>Бољшој ацид скандалот: Се е претерано
Дваесет и деветгодишниот танчар Павел Дмитриченко, заедно со двајцата други обвинети, беше во притвор од март, објавуваат руските медиуми.
Дмитриченко не ја фрлил киселината во лицето на директорот, но го организирал нападот кој го извршиле Јуриј Зарупски и Андреј Липатов. Тој на судењето тврдел дека побарал Филин да биде натепан, а не да се употреби киселина.