Генералниот секретар на ОН, Бан Ки Мун упати апел до Белград и Приштина да направат напори за да ја утврдат судбината на исчезнатите лица и да ги расветлат воените злосторства.
„Приоритет треба да биде решавање на прашањата за судбината на исчезнатите лица и процесуирање на сите одговорни за воени злосторства“, наведе Мун и ги повика сите страни да направат напори за да постигнат напредок во тие области.
Оценувајќи дека сега најголем предизвик на Косово е да се спроведе договорот кој што во Брисел го потпишаа премиерот на Србија, Ивица Дачиќ и косовскиот премиер Хашим Тачи, Бан Ки Мун ги повика сите меѓународни организации на Косово да соработуваат со цивилната мисија на ОН.