Тетовската полиција поднесе кривична пријава против А.И.(32) од Тетово, поради „злоупотреба на службена положба и овластување“ и „злоупотреба на лични податоци“, против М.М.(46) од Тетово, поради „употреба на исправа со невистинита содржина“ и „помагање“ при кривично дело „злоупотреба на службена положба и овластување“ и против Р.И.(46) од Тетово, поради „помагање“ при кривично дело „злоупотреба на службена положба и овластување“ и „непријавување кривично дело или сторител“.
Првопријавениот, во својство на референт во филијала на банка во Тетово, искористувајќи ја својата службена положба и овластување, без знаење и согласност на лице од Тетово, извршил систематско фиктивно евидентирање на полномошно со кое второпријавениот бил внесен како овластено лице кое може да располага со финансиските средства од сметката на оштетеното лице. Истиот ден (19.11.2021), првопријавениот од сметката на оштетениот извршил трансфер од 622.559 денари или над 10 илјади евра на сметка на второпријавениот во друга банка, кои второпријавениот подоцна ги префрлил на сметка на третопријавениот.
Второпријавениот, на 22.11.2021 на шалтер во банката, од сметката на оштетениот реализирал безготовински трансфер на финансиски средства во износ од 615.220 денари на сметката на третопријавениот. Третопријавениот, и покрај тоа што знаел за ваквите криминални активности, ги ставил на располагање своите лични податоци, вклучувајќи ги и своите трансакциски сметки отворени во неколку банки, и не го пријавил случајот во надлежните институции. (Р.Н.)
Банда во Тетово дигна 10 илјади евра од туѓа сметка со помош на банкарски службеник, МВР со кривични пријави
0